«Бавария» Дортмунднинг «Боруссия» клубини 2:1 ҳисобида мағлуб этиб, 2026-йилги Германия Суперкубогини қўлга киритди. «Дортмунд» стадионида бўлиб ўтган учрашувдан сўнг мюнхенлик футболчиларга соврин топширилди.
«Бавария» сафида Натаниэль Браун ва Майкл Олисе гол урди. Дортмундликларнинг ягона голига эса Фабиу Силва муаллифлик қилди. Баҳснинг 90-дақиқасида «Боруссия» ҳимоячиси Рами Бенсебаини қизил карточка олиб, майдонни тарк этди.
2025 йилги Германия Суперкубоги ҳам «Бавария»га насиб этганди. Ўшанда мюнхенликлар «Штутгарт»ни 2:1 ҳисобида мағлуб қилган.
«Бавария» ўтган мавсумда 89 очко тўплаб, Германия чемпиони бўлганди. Шунингдек, жамоа мамлакат кубогини ҳам қўлга киритган. Дортмунднинг «Боруссия» клуби эса вице-чемпион сифатида Суперкубок баҳсида иштирок этди.
