«Bavariya» hujumchisi Xarri Keyn klub bilan shartnomasini uzaytirish bo‘yicha kutilayotgan muzokaralar haqida gapirdi.

Angliyalik futbolchining myunxenliklar bilan amaldagi shartnomasi kelasi yil yozida yakunlanadi. Har ikki tomon ham hamkorlikni davom ettirishdan manfaatdor. Endi yangi kelishuv shartlarini muhokama qilish qolgan.

«Joriy va kelasi haftada muzokara o‘tkazamiz. Bu ochiq muhokama bo‘ladi. Hech kim shoshilmayapti yoki xavotirga tushmayapti.

Hozir butun e’tiborimni jamoa va yangi mavsumga qaratganman. Shartnoma bo‘yicha muzokaralar jamoatchilikdan xoli tarzda olib boriladi. Aytishga arziydigan yangilik paydo bo‘lsa, barchasidan xabar topasiz», — dedi 33 yoshli hujumchi.

Keyn bu fikrlarni «Bavariya» Dortmundning «Borussiya» klubini 2:1 hisobida mag‘lub etgan Germaniya Superkubogi uchrashuvidan keyin bildirdi.

Garri Keyn 2023 yil iyul oyidan buyon «Bavariya» sharafini himoya qilib kelmoqda.