Braziliyalik yarim himoyachi Fabinyo faoliyatini Turkiya chempionatida davom ettirishga yaqin.

«Liverpul»ning sobiq futbolchisi «Trabzonspor» bilan og‘zaki kelishuvga erishdi. Insayder Fabrisio Romano ma’lumotiga ko‘ra, Fabinyoning yaqin 24-48 soat ichida Turkiyaga yo‘l olishi rejalashtirilgan. Futbolchi uchun tibbiy ko‘rik ham belgilangan.

Shu tariqa, transfer rasmiylashsa, Fabinyo «Liverpul»dagi sobiq jamoadoshi Muhammad Saloh bilan yana bir klubda to‘p tepadi. Misrlik yulduz joriy yozda «Liverpul»ni tark etib, «Trabzonspor» bilan ikki yillik shartnoma imzolagan.

Fabinyoning so‘nggi klubi Saudiya Arabistonining «Al-Ittihod» jamoasi bo‘ldi. Braziliyalik futbolchi joriy yozda klubni tark etib, erkin agent maqomini oldi.

Manbada keltirilgan statistikaga ko‘ra, Fabinyo o‘tgan mavsum Saudiya Arabistoni chempionatida 30 ta uchrashuvda maydonga tushib, 1 ta gol urgan va 3 ta golli uzatmani amalga oshirgan.