Бразилиялик ярим ҳимоячи Фабиньо фаолиятини Туркия чемпионатида давом эттиришга яқин.
«Ливерпуль»нинг собиқ футболчиси «Трабзонспор» билан оғзаки келишувга эришди. Инсайдер Фабрицио Романо маълумотига кўра, Фабиньонинг яқин 24-48 соат ичида Туркияга йўл олиши режалаштирилган. Футболчи учун тиббий кўрик ҳам белгиланган.
Шу тариқа, трансфер расмийлашса, Фабиньо «Ливерпуль»даги собиқ жамоадоши Муҳаммад Салоҳ билан яна бир клубда тўп тепади. Мисрлик юлдуз жорий ёзда «Ливерпуль»ни тарк этиб, «Трабзонспор» билан икки йиллик шартнома имзолаган.
Фабиньонинг сўнгги клуби Саудия Арабистонининг «Ал-Иттиҳод» жамоаси бўлди. Бразилиялик футболчи жорий ёзда клубни тарк этиб, эркин агент мақомини олди.
Манбада келтирилган статистикага кўра, Фабиньо ўтган мавсум Саудия Арабистони чемпионатида 30 та учрашувда майдонга тушиб, 1 та гол урган ва 3 та голли узатмани амалга оширган.
