"Yuventus" yarim himoyachisi Fransishku Konseysau Italiya chempionati 1-turi doirasida safarda "Frozinone" ustidan qozonilgan g‘alaba haqida fikr bildirdi. Uchrashuv 1:0 hisobida yakunlandi.

"Biz o‘yinni o‘zimiz xohlaganday o‘tkazdik. Ikkita, uchta, hatto to‘rtta gol urishimiz mumkin edi — bu yanada yaxshi bo‘lardi. Ammo buni amalga oshira olmadik. Eng muhimi, g‘alaba qozondik. Biz o‘yinni yaxshi boshladik va eng asosiysi ham shu", — deya futbolchining so‘zlarini keltiradi Goal.com.

"Hujumda bizda ko‘plab variantlar bor. Bu yaxshi, chunki jamoa yanada kuchli bo‘ladi. Biz qattiq mehnat qilyapmiz va o‘tgan mavsumda o‘xshamagan jihatlarni to‘g‘rilashni istaymiz. Variantlar shunchalik ko‘p ekan, har birimizda o‘z o‘yinimizni yaxshilash imkoniyati bor".

"Biz doimo o‘zimizdan ko‘proq narsani talab qilishimiz kerak. Bu menga ham, hujum chizig‘i futbolchisi sifatida, taalluqli. Biz o‘yinni ishonchli g‘alabagacha olib bora olmadik va bu jihatda o‘sishimiz kerak. Ammo biz ishlayapmiz va shu yo‘nalishda rivojlanishni istaymiz".

Avvalroq ushbu o‘yin haqida "Yuventus" bosh murabbiyi Luchano Spalletti ham fikr bildirgan.