«Real» himoyachisi Trent Aleksander-Arnold marhum do‘sti va sobiq jamoadoshi Diogu Jotaning fojiali o‘limidan so‘ng qanday ahvolni boshdan kechirgani haqida ochiq gapirdi. Portugaliyalik futbolchi 2025 yilning 3 iyul kuni Ispaniyada sodir bo‘lgan mudhish YTH oqibatida vafot etgan edi.
«O‘ylaymanki, buning eng qiyin tomoni — hammasini yolg‘iz o‘zing boshdan kechirish edi. Uni yaqindan bilganlarning barchasi birgalikda jam bo‘lishdi. Juda og‘ir edi, chunki shundan keyin ham o‘ynashni davom ettirishga to‘g‘ri keldi, ular esa uzoqda edilar. Lekin «Enfild»ga qaytib, gul qo‘yish imkoniyati menga barchasini anglab yetishga yordam berdi», — dedi futbolchi.
Ta’kidlanishicha, fojia sodir bo‘lgan paytda Trent klublar o‘rtasidagi Jahon chempionati doirasida AQSHda edi.
