"Manchester Siti" "Chelsi"ning argentinalik yarim himoyachisi Enso Fernandesni o‘z safiga qo‘shib olish ustida ish olib bormoqda. Bu haqda insayder Janluka Di Marsio saytida xabar berildi.

Manba ma’lumotiga ko‘ra, "shaharliklar" yulduz yarim himoyachining transferini amalga oshirishga yaqin turibdi. Klub kelishuvni joriy hafta oxiriga qadar rasmiylashtirishni rejalashtirmoqda.

"Chelsi" esa Fernandes transferi uchun 140 million yevro olishni istamoqda.

Enso 2023 yil qishidan buyon London klubi sharafini himoya qilib kelmoqda. O‘tgan mavsumda argentinalik yarim himoyachi klub safida 54 ta uchrashuvda maydonga tushib, 15 ta gol urdi va 7 ta golli uzatmani amalga oshirdi.