"Манчестер Сити" "Челси"нинг аргентиналик ярим ҳимоячиси Энцо Фернандесни ўз сафига қўшиб олиш устида иш олиб бормоқда. Бу ҳақда инсайдер Жанлука Ди Марцио сайтида хабар берилди.
Манба маълумотига кўра, "шаҳарликлар" юлдуз ярим ҳимоячининг трансферини амалга оширишга яқин турибди. Клуб келишувни жорий ҳафта охирига қадар расмийлаштиришни режалаштирмоқда.
"Челси" эса Фернандес трансфери учун 140 миллион евро олишни истамоқда.
Энцо 2023 йил қишидан буён Лондон клуби шарафини ҳимоя қилиб келмоқда. Ўтган мавсумда аргентиналик ярим ҳимоячи клуб сафида 54 та учрашувда майдонга тушиб, 15 та гол урди ва 7 та голли узатмани амалга оширди.
