«Manchester Siti» «Chelsi» yarim himoyachisi Enso Fernandesni o‘z safiga qo‘shib olish niyatidan qaytgani yo‘q. So‘nggi xabarlarga ko‘ra, «shaharliklar» yozgi transfer oynasi yopilguniga qadar argentinalik futbolchining transferini amalga oshirishga harakat qilmoqda.

Insayder Gaston Edul ma’lumotiga ko‘ra, «Manchester Siti» yaqin vaqt ichida 25 yoshli futbolchi uchun yangi rasmiy taklif bilan chiqishi kutilmoqda. «Chelsi» Ensoning transferi uchun taxminan 140 million yevro talab qilmoqda. Bu summa boshqa manbalarda keltirilayotgan 120 million funtlik bahoga yaqin.

Fernandes APLning birinchi turida «Fulxem»ga qarshi o‘yinni zaxira o‘rindig‘ida boshladi. Uning «Chelsi» bilan amaldagi shartnomasi 2032 yilgacha mo‘ljallangan.

Ayni paytda «Siti»ning Enso uchun transfer imkoniyatlari yanada oshishi mumkin. Xususan, Niko Gonsalesning «Nyukasl»ga taxminan 50 million funtga sotilishi argentinalik futbolchi uchun katta taklif tayyorlashga moliyaviy imkoniyat yaratishi xabar qilinmoqda.