«Chelsi» markaziy himoyachisi Mamadu Sarr «Real Sosyedad» safiga ijara asosida o‘tadi.

Insayder Fabrisio Romano ma’lumotiga ko‘ra, Bask klubi 20 yoshli senegallik futbolchining ijarasi bo‘yicha og‘zaki kelishuvga erishgan. Transferga oid hujjatlar «Chelsi»ning APL 1-turidagi «Fulxem»ga qarshi uchrashuvidan so‘ng rasmiylashtirilishi kutilmoqda.

Sarr mazkur uchrashuv uchun «Chelsi» qaydnomasiga kiritilmagan.

London klubi Mamadu Sarrni o‘tgan yozda «Strasburg»dan 14 million yevro evaziga sotib olgan edi. Transfermarkt hozirda himoyachining bozor qiymatini 22 million yevroga baholamoqda.

Sarrning «Chelsi» bilan amaldagi shartnomasi 2033 yilga qadar mo‘ljallangan.