«Inter» yarim himoyachisi Xakan Chalxanoglu 2026/27 yilgi mavsum yakunlanganidan so‘ng erkin agent sifatida jamoani tark etishi mumkin. 32 yoshli turkiyalik futbolchining Milan klubi bilan shartnomasi 2027 yil 30 iyunda yakuniga yetadi. Hozircha tomonlar kelishuvni uzaytirish masalasini muhokama qilmagan.
«Neradzurri» yarim himoya chizig‘ida yetarlicha futbolchilarga ega bo‘lgani sababli klub bu vaziyatni jiddiy muammo deb hisoblamayapti. Shunga qaramay, Chalxanoglu tayanch yarim himoyachisi sifatida jamoaning muhim futbolchilaridan biri bo‘lib qolmoqda.
Avvalroq Turkiyaning «Galatasaroy» va «Fenerbaxche» klublari Chalxanogluga qiziqish bildirgan va uni o‘z safiga qo‘shib olish uchun kurashishga tayyor.
Futbolchining o‘zi esa «Inter»dagi ehtimoliy so‘nggi mavsumini yuqori saviyada o‘tkazib, klubdagi faoliyatini munosib tarzda yakunlash niyatida.
