«Roma»ning polshalik markaziy himoyachisi Yan Ziolkovski yaqin kunlarda jamoani tark etishi mumkin. Fabrisio Romanoning ma’lum qilishicha, 20 yoshli futbolchiga «Parma» va «Monsa» jiddiy qiziqish bildirmoqda.

Ikki klub futbolchi bo‘yicha turlicha taklif tayyorlagan. «Parma» Ziolkovskini to‘liq transfer qilishni istamoqda, «Monsa» esa uni ijaraga olish variantini taklif qilgan. «Roma» yosh himoyachining kelajagi va rivojlanishi uchun eng maqbul variantni tanlashi kutilmoqda.

Shuningdek, Italiyadan tashqari yana ikkita klub Ziolkovskiga qiziqish bildirgan. Bu esa futbolchi uchun raqobatni yanada oshirishi mumkin.

Ziolkovski 2025 yil yozida Varshavaning «Legiya» klubidan «Roma»ga ko‘chib o‘tgan. O‘shanda rimliklar uning transferi uchun taxminan 6 million yevro to‘lagan.