«Рома»нинг польшалик марказий ҳимоячиси Ян Зиолковски яқин кунларда жамоани тарк этиши мумкин. Фабрицио Романонинг маълум қилишича, 20 ёшли футболчига «Парма» ва «Монца» жиддий қизиқиш билдирмоқда.

Икки клуб футболчи бўйича турлича таклиф тайёрлаган. «Парма» Зиолковскини тўлиқ трансфер қилишни истамоқда, «Монца» эса уни ижарага олиш вариантини таклиф қилган. «Рома» ёш ҳимоячининг келажаги ва ривожланиши учун энг мақбул вариантни танлаши кутилмоқда.

Шунингдек, Италиядан ташқари яна иккита клуб Зиолковскига қизиқиш билдирган. Бу эса футболчи учун рақобатни янада ошириши мумкин.

Зиолковски 2025 йил ёзида Варшаванинг «Легия» клубидан «Рома»га кўчиб ўтган. Ўшанда римликлар унинг трансфери учун тахминан 6 миллион евро тўлаган.