"Manchester Yunayted" hujumchisi Joshua Zirkzee faoliyatini "Aston Villa"da davom ettirishi mumkin.
The Sun ma’lumotiga ko‘ra, Birmingem klubi niderlandiyalik futbolchini Saudiya Arabistonining "Al-Hilol" klubiga o‘tishga qaror qilgan Olli Uotkinsning ehtimoliy o‘rinbosarlaridan biri sifatida ko‘rmoqda.
"Aston Villa" Zirkzeening transferi bo‘yicha "Manchester Yunayted" bilan aloqaga chiqqan. Biroq klubning hujum chizig‘ini kuchaytirish uchun asosiy varianti hozircha "Chelsi" futbolchisi Nikolas Jekson bo‘lib turibdi.
"Manchester Yunayted" esa hozircha 25 yoshli Zirkzeening ketishiga rozilik bermagan. Shuningdek, hujumchiga Italiya klublari tomonidan ham qiziqish mavjud.
Transfermarkt portali Zirkzeening transfer qiymatini 20 million yevroga baholamoqda.
