"Манчестер Юнайтед" ҳужумчиси Жошуа Зиркзее фаолиятини "Астон Вилла"да давом эттириши мумкин.
The Sun маълумотига кўра, Бирмингем клуби нидерландиялик футболчини Саудия Арабистонининг "Ал-Ҳилол" клубига ўтишга қарор қилган Олли Уоткинснинг эҳтимолий ўринбосарларидан бири сифатида кўрмоқда.
"Астон Вилла" Зиркзеенинг трансфери бўйича "Манчестер Юнайтед" билан алоқага чиққан. Бироқ клубнинг ҳужум чизиғини кучайтириш учун асосий варианти ҳозирча "Челси" футболчиси Николас Жексон бўлиб турибди.
"Манчестер Юнайтед" эса ҳозирча 25 ёшли Зиркзеенинг кетишига розилик бермаган. Шунингдек, ҳужумчига Италия клублари томонидан ҳам қизиқиш мавжуд.
Transfermarkt портали Зиркзеенинг трансфер қийматини 20 миллион еврога баҳоламоқда.
