Kataloniyaning «Barselona» klubi qanot himoyachisi Ektor Fort faoliyatini Germaniya Bundesligasining yetakchi jamoalaridan birida davom ettirishi mumkin. Bu haqda Bild nashri jurnalistlari xabar bermoqda.
Manba ma’lumotiga ko‘ra, Dortmundning «Borussiya» klubi 20 yoshli futbolchini o‘z safiga qo‘shib olishga yaqin turibdi. O‘tgan dam olish kunlari «arilar» vakillari Barselonaga tashrif buyurib, Fortning ehtimoliy transferi bo‘yicha muzokaralar o‘tkazgan.
Kataloniya klubi qanot himoyachisining transferidan 10 million yevrodan ortiq mablag‘ ishlab olishni rejalashtirmoqda.
2025/2026 yilgi mavsumda Fort ijara asosida «Elche» safida to‘p tepdi. Ektor 14 ta uchrashuvda maydonga tushib, 2 ta gol urdi va 2 ta golli uzatmani amalga oshirdi.
