Italiyaning «Milan» klubi transfer oynasi yopilguniga qadar «Manchester Siti» vingeri Jek Grilishni o‘z safiga qo‘shib olishga qiziqish bildirmoqda. Bu haqda Football Insider xabar berdi.
Manba ma’lumotiga ko‘ra, «Everton» Grilishga bo‘lgan qiziqishini susaytirgan, «Milan» esa tarkibini yulduz ingliz futbolchisi bilan kuchaytirishga qarshi emas. Biroq «Manchester Siti»ning moliyaviy talablari Milan klubini qoniqtirmayapti. Shu bois «rossonerilar» transfer narxini 11,7 million yevroga kamaytirishga erishmoqchi.
Shu bilan birga, Grilishning «Manchester Siti»da qolishi ham istisno qilinmayapti. Bunday holatda futbolchi yangi mavsumda asosiy tarkibdan joy olish uchun kurash olib boradi.
30 yoshli futbolchi o‘tgan mavsumni «Everton»da ijara asosida o‘tkazdi. U «irislar» safida 22 ta uchrashuvda maydonga tushib, 2 ta gol urdi va 6 ta golli uzatmani amalga oshirdi.
