Fransiyalik futbolchi Kristofer Nkunku «RB Leypsig»ga qaytganidan so‘ng o‘z his-tuyg‘ularini bayon qildi.
«RB Leypsig»ga o‘tish imkoniyati paydo bo‘lishi bilan undan foydalanishni darhol xohladim. Bu yerga qaytganimdan juda xursandman. «Leypsig» bilan alohida bog‘liqligim bor. Klubdan ketganimdan keyin ham jamoani diqqat bilan kuzatib bordim. Endi esa bu yerda faoliyatimning yangi sahifasini ochishga tayyorman», — deya Nkunkuning so‘zlarini keltiradi klub rasmiy sayti.
Nkunku «RB Leypsig» safiga kelasi mavsum yakuniga qadar ijara asosida qo‘shildi.
«RB Leypsig» va «Milan» o‘rtasidagi kelishuvda futbolchini keyinchalik to‘liq sotib olish huquqi ham ko‘zda tutilgan.
