"Sabah" bosh murabbiyi Valdas Dambrauskas jamoasining Chempionlar Ligasi umumiy bosqichiga yo‘l olganidan keyin hissiyotlarini bayon qildi.

Boku klubi hal qiluvchi uchrashuvda Isroilning "Xapoel" jamoasini 5:2 hisobida mag‘lub etdi. Safardagi birinchi bahsda 1:2 hisobida yutqazgan "Sabah" ikki o‘yin natijasiga ko‘ra 6:4 hisobida ustun keldi.

Dambrauskasning aytishicha, uchrashuv oson kechmagan. Raqibning faol bosimi ayrim vaziyatlarda "Sabah" futbolchilarini xatoga majbur qilgan, ammo jamoa zarur paytda o‘yinni o‘z foydasiga burishga erishgan.

"Bu kechani stadionga kelgan muxlislar uzoq vaqt eslab yuradi. Futbolchilarim bilan faxrlanaman. Ular maydonda bor imkoniyatini ishga soldi. Biz dunyodagi eng nufuzli klub turniri bosqichiga chiqdik. Hozir men o‘zimni dunyodagi eng baxtli murabbiydek his qilyapman", — dedi litvalik mutaxassis.

Shu tariqa, 2017 yilda tashkil etilgan "Sabah" o‘z tarixida birinchi marta UYEFA Chempionlar Ligasining umumiy bosqichiga yo‘llanma oldi.

Boku jamoasi so‘nggi mavsumda ham tarixiy natija qayd etib, ilk bor Ozarbayjon chempionligini qo‘lga kiritgan edi.