«Aston Villa» «Vest Xem» markaziy himoyachisi Jan-Kler Todiboni transfer qilish imkoniyatini ko‘rib chiqmoqda. Bu haqda The Athletic xabar berdi.
Birmingem klubi Ezri Konsaning «Arsenal»ga o‘tib ketishidan so‘ng markaziy himoya chizig‘ini kuchaytirishga harakat qilmoqda. Dastlab «Villa» «Bryugge» himoyachisi Xoel Ordonyesni tarkibga qo‘shib olishni rejalashtirgan edi. Biroq ekvadorlik futbolchining jarohati va unga «Kristal Pelas» tomonidan qiziqish bildirilayotgani sabab muzokaralar to‘xtab qoldi.
26 yoshli fransuz 2025 yilda «Nissa»dan «Vest Xem»ga o‘tgan va London klubi safida 54 ta uchrashuvda maydonga tushgan. O‘tgan mavsumda «Vest Xem» Chempionshipga tushib ketdi.
Transfermarkt portali ma’lumotiga ko‘ra, Todiboning bozor qiymati 22 million yevroni tashkil qiladi.
