«Arsenal»ning qanot hujumchisi Gabriel Martinelli yaqin vaqt ichida «Al-Hilol» klubiga o‘tishi mumkin. Bu haqda taniqli jurnalist Nikolo Skira xabar berdi.

Manbaga ko‘ra, klublar o‘rtasidagi muzokaralar yakuniy bosqichga yetgan. Transfer summasi 60 million yevroni tashkil qilishi kutilmoqda. Braziliyalik futbolchi «Al-Hilol» bilan 2030 yilgacha shartnoma imzolashi va bir mavsum uchun 20 million yevro maosh olishi kutilmoqda. Barcha tomonlar kelishuv yaqin vaqt ichida amalga oshishiga ishonch bildirmoqda.

O‘tgan mavsumda 25 yoshli Martinelli barcha musobaqalar doirasida 53 ta uchrashuvda ishtirok etib, 11 ta gol urdi va 7 ta golli uzatma amalga oshirdi.