«Арсенал»нинг қанот ҳужумчиси Габриэл Мартинелли яқин вақт ичида «Ал-Ҳилол» клубига ўтиши мумкин. Бу ҳақда таниқли журналист Николо Скира хабар берди.

Манбага кўра, клублар ўртасидаги музокаралар якуний босқичга етган. Трансфер суммаси 60 миллион еврони ташкил қилиши кутилмоқда. Бразилиялик футболчи «Ал-Ҳилол» билан 2030 йилгача шартнома имзолаши ва бир мавсум учун 20 миллион евро маош олиши кутилмоқда. Барча томонлар келишув яқин вақт ичида амалга ошишига ишонч билдирмоқда.

Ўтган мавсумда 25 ёшли Мартинелли барча мусобақалар доирасида 53 та учрашувда иштирок этиб, 11 та гол урди ва 7 та голли узатма амалга оширди.