Hujumchi Liam Delap Londonning «Chelsi» klubini «Nottingem Forest»ga almashtirdi. Bu haqda «o‘rmonchilar» matbuot xizmati xabar berdi.

23 yoshli angliyalik futbolchi «Nottingem Forest» bilan 5 yillik shartnoma imzoladi. U yangi jamoada 19-raqamda harakat qiladi.

«Tarixi katta bo‘lgan bu klubda ish boshlashni intiqlik bilan kutyapman. Murabbiy bilan suhbatlashdim va uning g‘oyalari menga yoqdi. O‘ylaymanki, u menga rivojlanish va keyingi qadamni tashlashda yordam bera oladi. Jamoaga gollarim bilan yordam berishga umid qilaman», — deya Delap so‘zlarini «o‘rmonchilar» matbuot xizmati keltirdi.

Delap «Chelsi» tarkibida atigi bir mavsum o‘tkazdi. «Ko‘klar» safida u 47 ta uchrashuvda maydonga tushib, 3 ta gol urdi va 5 ta golli uzatma amalga oshirdi.