Ҳужумчи Лиам Делап Лондоннинг «Челси» клубини «Ноттингем Форест»га алмаштирди. Бу ҳақда «ўрмончилар» матбуот хизмати хабар берди.

23 ёшли англиялик футболчи «Ноттингем Форест» билан 5 йиллик шартнома имзолади. У янги жамоада 19-рақамда ҳаракат қилади.

«Тарихи катта бўлган бу клубда иш бошлашни интиқлик билан кутяпман. Мураббий билан суҳбатлашдим ва унинг ғоялари менга ёқди. Ўйлайманки, у менга ривожланиш ва кейинги қадамни ташлашда ёрдам бера олади. Жамоага голларим билан ёрдам беришга умид қиламан», — дея Делап сўзларини «ўрмончилар» матбуот хизмати келтирди.

Делап «Челси» таркибида атиги бир мавсум ўтказди. «Кўклар» сафида у 47 та учрашувда майдонга тушиб, 3 та гол урди ва 5 та голли узатма амалга оширди.