«Aston Villa» hujumchisi Temmi Abraham faoliyatini «Ipsvich Taun»da davom ettiradi. Insayder Fabrisio Romano ushbu transferni tasdiqladi.
Kelishuvga ko‘ra, 28 yoshli angliyalik hujumchi «Ipsvich» safida 2027 yil yoziga qadar, ya’ni bir mavsum ijara asosida to‘p tepadi. Avvalroq ikki klub Abraham bo‘yicha kelishuvga erishgani va «Ipsvich» futbolchiga 9-raqamli libosni taklif qilgani xabar qilingan edi.
Temmi 2026 yil yanvarda «Beshiktosh»dan «Aston Villa»ga ko‘chib o‘tgan. Turkiya klubining rasmiy ma’lumotiga ko‘ra, Birmingem jamoasi uning transferi uchun 21 million yevro to‘lagan.
