«Bavariya» sport direktori Maks Eberl Xarri Keyn klub bilan kamida 2029 yilgacha mo‘ljallangan shartnomasini uzaytirishga yaqin ekanini tasdiqladi. Bu haqda jurnalist Florian Plettenberg xabar berdi.
«Shartnoma bo‘yicha muzokaralar juda yaxshi va o‘zaro tushunish ruhida o‘tmoqda. Futbolchi klubda qolishni juda xohlayapti, klub esa shartnomani uzaytirishni istamoqda. Albatta, hali aniqlashtirilishi kerak bo‘lgan ayrim tafsilotlar bor.
Jahon futbolida uning o‘rnini, ayniqsa “Bavariya”dagi rolini hamma ko‘rib turibdi. Men uchun “Oltin to‘p”ga da’vogarlik qilish faqat gollar yoki sovrinlar bilan belgilanmaydi. Bu inson maydonda ham, uning tashqarisida ham o‘rnak bo‘la olishi kerak. Xarri Keyn aynan shunday futbolchi.
Shuning uchun men uchun Xarri Keyn “Oltin to‘p” uchun aniq nomzod», — dedi Eberl.
