Transferlar bo‘yicha mutaxassis Matteo Moretto "Barselona"ning yangi markaziy himoyachi izlayotgani haqida qo‘shimcha ma’lumot berdi. U "RB Leypsig" futbolchisi Kastello Lukeba va "Sporting" himoyachisi Gonsalu Inasiu variantlarini istisno qildi.
"Lukeba va Gonsalu Inasiuning "Barselona"ga markaziy himoyachi sifatida o‘tishini istisno qilaman. Klub ko‘z ostiga olgan futbolchi ularga qaraganda kamroq tanilgan", — dedi Moretto.
Bu ma’lumot yozgi transfer oynasining so‘nggi kunlarida "Barselona"ning yangi chapoyoq markaziy himoyachi qidiruvini yanada qiziqarli tusga kiritdi.
So‘nggi xabarlarga ko‘ra, kataloniyaliklar "Tvente"ning yosh markaziy himoyachisi Ruud Niystad bo‘yicha ma’lumot so‘ragan. Biroq Niderlandiya klubi futbolchini sotishni istamayotgani aytilmoqda.
Shu bilan birga, "Barselona" Alvaro Kortesni "Antverpen"ga qo‘yib yuborish arafasida turibdi.
