«Inter» prezidenti Juzeppe Marotta 2026/27 yilgi mavsum Chempionlar ligasining umumiy bosqichiga qur’a natijalarini izohladi. Milanliklar klubining raqiblari «Liverpul», Madridning «Real»i, Dortmundning «Borussiya»si, «Feyenoord», «Bryugge», «Shaxtyor», «Shtutgart» va Bratislavaning «Slovan» jamoalari bo‘ldi.

«Bu har doim hayajonli voqea. «Inter» to‘qqiz yildan beri ketma-ket Chempionlar ligasida ishtirok etmoqda, jamoa ushbu turnirning doimiy ishtirokchisiga aylandi. Bu jahon futbolidagi eng muhim klub musobaqasi», — deya Marottaning so‘zlarini Football Italia keltirdi.

«Biz har doim yuqori maqsadlarni ko‘zlashimiz kerak. So‘nggi yillarda Chempionlar ligasida jiddiy natijalarga erishdik. Bizda orzu qilish huquqi ham bor».

«Yo‘limiz boshqa jamoalarning natijalariga ham bog‘liqligini tushunamiz. Yangi format turnirni juda bashorat qilib bo‘lmaydigan qildi, shuning uchun 1/8 finalga to‘g‘ridan-to‘g‘ri kimlar chiqishini oxirigacha aniqlash qiyin bo‘ladi».

«Inter» Chempionlar ligasida 2010 yildan beri g‘olib bo‘lmagan. So‘nggi to‘rt mavsumda milanliklar ikki marta turnir finaliga yetib bordi.