The Athletic xabariga ko‘ra, "Liverpul" akademiyasining iqtidorli futbolchisi Joshua Abe uch oygacha maydondan tashqarida qolishi mumkin.
16 yoshli futbolchi uzoq vaqtdan beri bezovta qilib kelayotgan yelkasidagi muammo sabab jarrohlik amaliyotini o‘tkazdi.
Abe Mersisayddagi eng istiqbolli yosh futbolchilardan biri sifatida baholanadi. U mavsumoldi tayyorgarligi doirasida "Liverpul"ning AQSHdagi turnesida asosiy jamoa bilan birga ishtirok etgan.
Yozda u boshqa klublarning takliflarini rad etib, "Liverpul" bilan stipendiya shartnomasini imzoladi. Shuningdek, futbolchi 17 yoshga to‘ladigan kelasi yil iyul oyida imzolashi mumkin bo‘lgan ilk professional shartnoma bo‘yicha ham dastlabki kelishuv mavjud.
