Birmingemning «Aston Villa» klubi «PSJ» bilan senegallik yosh yarim himoyachi Ibraima Mbayening transferi borasida kelishuvga erishdi.

The Athletic ma’lumotiga ko‘ra, 18 yoshli senegallik futbolchining transferi uchun «Aston Villa» taxminan 55 million yevro to‘laydi. Tomonlar yaqin vaqt ichida kelishuvni rasmiylashtirishlari kutilmoqda.

Avvalroq Mbayening «Liverpul»ga o‘tishi mumkinligi haqida xabarlar tarqalgan edi, ammo klublar kelishuvga erisha olmagan.

O‘tgan mavsumda Ibraima Mbaye «PSJ» tarkibida Fransiya chempionatida 24 ta uchrashuv o‘tkazib, 3 ta gol urdi va 2 ta golli uzatmani amalga oshirdi.