Бирмингемнинг «Астон Вилла» клуби «ПСЖ» билан сенегаллик ёш ярим ҳимоячи Ибраима Мбайенинг трансфери борасида келишувга эришди.
The Athletic маълумотига кўра, 18 ёшли сенегаллик футболчининг трансфери учун «Астон Вилла» тахминан 55 миллион евро тўлайди. Томонлар яқин вақт ичида келишувни расмийлаштиришлари кутилмоқда.
Аввалроқ Мбайенинг «Ливерпуль»га ўтиши мумкинлиги ҳақида хабарлар тарқалган эди, аммо клублар келишувга эриша олмаган.
Ўтган мавсумда Ибраима Мбайе «ПСЖ» таркибида Франция чемпионатида 24 та учрашув ўтказиб, 3 та гол урди ва 2 та голли узатмани амалга оширди.
