«Liverpul» «PSJ» vingeri Bredli Barkolyani qancha summaga sotib olishi ma’lum bo‘ldi.
The Athletic ma’lumotiga ko‘ra, «qizillar» Fransiya terma jamoasining 23 yoshli futbolchisi uchun 106+17 million funt (125+20 million yevro) to‘laydi. Bredli 24 soat ichida tibbiy ko‘rikdan o‘tadi va besh yillik shartnomaga imzo qo‘yadi.
RMC Sport ham transfer 125+20 million yevro evaziga amalga oshishini tasdiqladi. Bunda bonuslarni qo‘lga kiritish shartlari oson bajarilishi aytilmoqda.
Hujumchi «PSJ» safida 152 ta o‘yin o‘tkazib, 39 ta gol urdi va 37 ta golli uzatma amalga oshirdi. U klub bilan birga ikki marta Chempionlar ligasida g‘olib bo‘ldi va uch marta Fransiya chempioniga aylandi.
