«Ливерпуль» «ПСЖ» вингери Брэдли Барколяни қанча суммага сотиб олиши маълум бўлди.
The Athletic маълумотига кўра, «қизиллар» Франция терма жамоасининг 23 ёшли футболчиси учун 106+17 миллион фунт (125+20 миллион евро) тўлайди. Брэдли 24 соат ичида тиббий кўрикдан ўтади ва беш йиллик шартномага имзо қўяди.
RMC Sport ҳам трансфер 125+20 миллион евро эвазига амалга ошишини тасдиқлади. Бунда бонусларни қўлга киритиш шартлари осон бажарилиши айтилмоқда.
Ҳужумчи «ПСЖ» сафида 152 та ўйин ўтказиб, 39 та гол урди ва 37 та голли узатма амалга оширди. У клуб билан бирга икки марта Чемпионлар лигасида ғолиб бўлди ва уч марта Франция чемпионига айланди.
