Myunxenning «Bavariya» klubi yarim himoyachisi Konrad Laymer Bundesliganing 1-turida «Shtutgart» ustidan qozonilgan 5:1 hisobidagi g‘alaba haqida fikr bildirdi.

«Menimcha, biz 1-turda o‘zimizni eng yaxshi tomondan ko‘rsatdik. Hammasi ham ideal bo‘lmagan bo‘lsa-da, biz bu mavsumda qanday o‘ynashni istashimizni va jamoa sifatida kim ekanimizni yana bir bor birinchi daqiqadan so‘nggi daqiqagacha namoyish etdik.

Jamoa bilan yana maydonga tushish juda yoqimli. Bundesliga qaytganidan va biz yana jamoa sifatida odatiy futbolimizdan zavqlanayotganimizdan xursandman.

Raqib hisobni tenglashtirganidan keyin o‘zimizni qo‘lga olishga muvaffaq bo‘ldik, 2:1, keyin esa 3:1 hisobini qayd etdik. Shundan so‘ng ham xuddi shu ruhda davom etdik. Birinchi o‘yin uchun munosib uchrashuv bo‘ldi va bu muhim uch ochko», — deya Laymerning so‘zlarini myunxenlik klubning rasmiy sayti keltirmoqda.

2-turda «Bavariya» 5 sentyabr kuni «Shalke-04» bilan, «Shtutgart» esa 4 sentyabr kuni «Kyoln» bilan o‘ynaydi.