Мюнхеннинг «Бавария» клуби ярим ҳимоячиси Конрад Лаймер Бундеслиганинг 1-турида «Штутгарт» устидан қозонилган 5:1 ҳисобидаги ғалаба ҳақида фикр билдирди.

«Менимча, биз 1-турда ўзимизни энг яхши томондан кўрсатдик. Ҳаммаси ҳам идеал бўлмаган бўлса-да, биз бу мавсумда қандай ўйнашни исташимизни ва жамоа сифатида ким эканимизни яна бир бор биринчи дақиқадан сўнгги дақиқагача намойиш этдик.

Жамоа билан яна майдонга тушиш жуда ёқимли. Бундеслига қайтганидан ва биз яна жамоа сифатида одатий футболимиздан завқланаётганимиздан хурсандман.

Рақиб ҳисобни тенглаштирганидан кейин ўзимизни қўлга олишга муваффақ бўлдик, 2:1, кейин эса 3:1 ҳисобини қайд этдик. Шундан сўнг ҳам худди шу руҳда давом этдик. Биринчи ўйин учун муносиб учрашув бўлди ва бу муҳим уч очко», — дея Лаймернинг сўзларини мюнхенлик клубнинг расмий сайти келтирмоқда.

2-турда «Бавария» 5 сентябрь куни «Шальке-04» билан, «Штутгарт» эса 4 сентябрь куни «Кёльн» билан ўйнайди.