«Atletiko Madrid» qanot hujumchisi Aleks Baena joriy mavsumni juda yuqori sur’atda boshladi.

25 yoshli futbolchi «Sevilya»ga qarshi o‘yin qahramoniga aylanib, dubl qayd etdi. Uchrashuv madridliklarning 3:1 hisobidagi g‘alabasi bilan yakunlandi.

Shu tariqa, jahon chempioni bo‘lgan ispaniyalik futbolchining La Liganing dastlabki uch turidagi gollari soni uchtaga yetdi. Bu uning o‘tgan mavsumdagi butun chempionat davomida qayd etgan natijasidan ham yuqori. Baena 2025/26 yilgi mavsumda 27 ta o‘yinda atigi 2 ta gol urgan edi.

Shuningdek, u yangi mavsumda bitta golli uzatmani ham amalga oshirgan.

Aleks Baena o‘tgan yozda «Vilyarreal»dan «Atletiko»ga 42 million yevro evaziga ko‘chib o‘tgan edi.

Diyego Simeone jamoasi uch turdan keyin 7 ochko to‘plab, Ispaniya chempionati turnir jadvalida peshqadamlik qilmoqda.

5 sentyabr kuni «Atletiko» safarda Bilbaoning «Atletik» klubiga qarshi maydonga tushadi.