«Portu» «Milan» hujumchisi Santyago Ximenes transferi bo‘yicha og‘zaki kelishuvga erishdi. Meksikalik futbolchi klubini almashtirishga tayyorlanmoqda.

Fabrisio Romano ma’lumotiga ko‘ra, 25 yoshli forvard «Portu»ga bepul ijara asosida o‘tadi. Shuningdek, kelishuvga futbolchini 18 million yevro va bonuslar evaziga sotib olish huquqi kiritiladi.

Qayd etilishicha, Ximenesning o‘yin amaliyoti va belgilangan shartlarni bajarishiga qarab, sotib olish huquqi majburiy shartga aylanishi mumkin.

Yaqin vaqt ichida futbolchi transferni yakunlash uchun Portugaliyaga uchib boradi.

Transfermarkt portali Ximenesning bozor qiymatini 18 million yevroga baholamoqda.

Uning «Milan» bilan amaldagi shartnomasi 2029 yilning 30 iyuniga qadar mo‘ljallangan.