«Порту» «Милан» ҳужумчиси Сантьяго Хименес трансфери бўйича оғзаки келишувга эришди. Мексикалик футболчи клубини алмаштиришга тайёрланмоқда.

Фабрицио Романо маълумотига кўра, 25 ёшли форвард «Порту»га бепул ижара асосида ўтади. Шунингдек, келишувга футболчини 18 миллион евро ва бонуслар эвазига сотиб олиш ҳуқуқи киритилади.

Қайд этилишича, Хименеснинг ўйин амалиёти ва белгиланган шартларни бажаришига қараб, сотиб олиш ҳуқуқи мажбурий шартга айланиши мумкин.

Яқин вақт ичида футболчи трансферни якунлаш учун Португалияга учиб боради.

Transfermarkt портали Хименеснинг бозор қийматини 18 миллион еврога баҳоламоқда.

Унинг «Милан» билан амалдаги шартномаси 2029 йилнинг 30 июнига қадар мўлжалланган.