«Chelsi»ning sobiq himoyachisi Robert Xut «Liverpul» yarim himoyachisi Florian Virsning jamoadagi kelajagi haqida fikr bildirdi. U nemis futbolchisi qishki transferlar oynasida klubni tark etishi mumkinligini taxmin qildi.
"Vaziyat qanday o‘zgarishi mumkinligini tasavvur qilish men uchun juda qiyin. Albatta, u yaxshi futbolchi, ammo jismoniy tayyorgarligi bilan bog‘liq muammolari bor. Uning maydondagi xatti-harakatlari ham unchalik yaxshi taassurot qoldirmayapti.
Agar u o‘z o‘yinini yaxshilamasa, ehtimol, Rojdestvo bayramiga kelib, «Liverpul» uni sotish imkoniyatlarini izlay boshlaydi.
Chunki u klub uchun qimmatga tushgan muammoga aylanib qoldi", — dedi Xut «In The Mixer» podkastida.
Virs 2025 yil yozida «Bayer»dan «Liverpul»ga o‘tgan va transfer qiymati bonuslar bilan birga 136 million yevroga yetgan edi.
