Kanada terma jamoasi va Turinning «Yuventus» klubi hujumchisi Jonatan Devid Ispaniya La Ligasining top-klubida faoliyatini davom ettirishi mumkin. Bu haqda insayder Nikolo Skira ijtimoiy tarmoqlarida xabar berdi.

Jurnalist ma’lumotiga ko‘ra, kanadalik forvardning yangi jamoasi Madridning «Atletiko» klubi bo‘lishi mumkin. «Keksa sinyora» esa Devidni muayyan shartlar bajarilgan taqdirda majburiy sotib olish sharti bilan ijaraga berish variantini ko‘rib chiqishga tayyor.

26 yoshli hujumchi Turin klubida o‘tgan yilning yozidan buyon to‘p tepmoqda. Uning amaldagi shartnomasi 2030 yil iyun oyi oxiriga qadar mo‘ljallangan. Jonatan Devidning transfer qiymati 30 million yevroni tashkil etadi.