Канада терма жамоаси ва Туриннинг «Ювентус» клуби ҳужумчиси Жонатан Дэвид Испания Ла Лигасининг топ-клубида фаолиятини давом эттириши мумкин. Бу ҳақда инсайдер Николо Скира ижтимоий тармоқларида хабар берди.
Журналист маълумотига кўра, канадалик форварднинг янги жамоаси Мадриднинг «Атлетико» клуби бўлиши мумкин. «Кекса синьора» эса Дэвидни муайян шартлар бажарилган тақдирда мажбурий сотиб олиш шарти билан ижарага бериш вариантini кўриб чиқишга тайёр.
26 ёшли ҳужумчи Турин клубида ўтган йилнинг ёзидан буён тўп тепмоқда. Унинг амалдаги шартномаси 2030 йил июнь ойи охирига қадар мўлжалланган. Жонатан Дэвиднинг трансфер қиймати 30 миллион еврони ташкил этади.
