Londonning «Tottenxem» klubi rahbariyati «Liverpul» hujumchisi Kodi Gakponing «shporlar» safiga o‘tishdan voz kechib, «Manchester Siti»ni tanlaganidan hayratda.
TeamTalk ma’lumotiga ko‘ra, 27 yoshli niderlandiyalik futbolchi Shimoliy London klubiga o‘tish shartlarini allaqachon kelishib olgan. «Tottenxem» forvard uchun taxminan 90 million yevro to‘lashga tayyor edi. Biroq Gakpo faoliyatini davom ettirish uchun «Manchester Siti»ni tanlagan.
Qayd etilishicha, «shaharliklar» Kodi Gakpo uchun 99 million yevro to‘lashga tayyor.
O‘tgan mavsumda Kodi Gakpo Angliya chempionatida «Liverpul» safida 36 ta uchrashuvda ishtirok etib, 7 ta gol urgan va 5 ta golli uzatma amalga oshirgan.
