Лондоннинг «Тоттенхэм» клуби раҳбарияти «Ливерпуль» ҳужумчиси Коди Гакпонинг «шпорлар» сафига ўтишдан воз кечиб, «Манчестер Сити»ни танлаганидан ҳайратда.

TeamTalk маълумотига кўра, 27 ёшли нидерландиялик футболчи Шимолий Лондон клубига ўтиш шартларини аллақачон келишиб олган. «Тоттенхэм» форвард учун тахминан 90 миллион евро тўлашга тайёр эди. Бироқ Гакпо фаолиятини давом эттириш учун «Манчестер Сити»ни танлаган.

Қайд этилишича, «шаҳарликлар» Коди Гакпо учун 99 миллион евро тўлашга тайёр.

Ўтган мавсумда Коди Гакпо Англия чемпионатида «Ливерпуль» сафида 36 та учрашувда иштирок этиб, 7 та гол урган ва 5 та голли узатма амалга оширган.