«Chelsi» bosh murabbiyi Xabi Alonso jamoaning yangi darvozaboni Emiliano Martinesning debyuti haqida gapirdi. Argentina terma jamoasi futbolchisining transferi 30 avgust kuni rasmiylashtirildi. Martines uch yillik shartnoma imzoladi va shu kuni APLning 2-turida «Brayton»ga qarshi o‘yinda maydonga tushdi. Uchrashuv «Chelsi»ning 4:3 hisobidagi g‘alabasi bilan yakunlandi.

«Biz albatta “quruq” o‘yin o‘tkazamiz. Biz g‘alaba qozonishni istaymiz, albatta, agar darvozamizni ko‘proq daxlsiz saqlasak, bunga tez-tez erishamiz.

Emi timsolida biz yuqori darajali inson va top-darvozabonga ega bo‘ldik, bu jamoaning rivojiga yordam beradi. Emi — jahon chempioni, u 34 yoshda va ulkan tajribaga ega.

Kecha u bilan suhbatlashdim, o‘yin va jamoamiz haqida gaplashdik. U o‘zini tayyor his qildi, shuning uchun o‘zini ko‘rsatishi uchun unga ko‘p gapirishim shart emas edi.

Albatta, har qanday darvozabon “quruq” o‘yin o‘tkazishni xohlaydi, ammo men undan olgan birinchi taassurotimdan mamnunman. U klubda atigi 48 soat bo‘ldi. Endi keyingi o‘yinga tayyorgarlik ko‘rish uchun butun bir haftamiz bor. Kundan kunga uning jamoadagi huzurini his qilamiz, chunki unda o‘ziga xos joziba, aura bor — u jamoaning qolgan a’zolariga ta’sir qilib, juda ijobiy aloqa o‘rnata oladi», — dedi Alonso.

APLning keyingi turida «Chelsi» 6 sentyabr kuni safarda «Arsenal»ga qarshi o‘ynaydi.