"Yuventus" Joshua Zirkzeeni o‘z safiga qo‘shib olish uchun "Manchester Yunayted" bilan muzokara boshladi.
Janluka Di Marsio xabariga ko‘ra, turinliklar 25 yoshli niderlandiyalik hujumchini 2,5 million yevro evaziga ijaraga olish va keyinchalik 30 million yevroga sotib olish huquqini o‘z ichiga olgan rasmiy taklifni taqdim etgan.
"Manchester Yunayted" esa ijara to‘lovini ham qo‘shib hisoblaganda Zirkzee uchun kamida 35 million yevro olishni maqsad qilgan.
Forvardga "Fiorentina" ham xuddi shunga yaqin shartlar bilan qiziqish bildirgan, ammo futbolchi "binafsharanglilar" taklifini qabul qilmagan.
"Yuventus" Zirkzeeni Jonatan Devidning ehtimoliy o‘rinbosari sifatida ko‘rmoqda. Kanadalik hujumchini o‘z safiga qo‘shib olish ustida madridning "Atletiko" klubi ish olib bormoqda.
