«Sautgempton» safida to‘p tepayotgan himoyachi Teylor Xarvud-Bellis Birmingemning «Aston Villa» klubiga o‘tadi. Bu haqda insayder Florian Plettenberg ijtimoiy tarmoqlar orqali xabar berdi.

Tomonlar transfer yuzasidan muzokaralar olib borib, kelishuvga erishgan. Bitim qiymati bonuslar bilan birga 35 million yevroni tashkil etadi. Xarvud-Bellis «sherlar» bilan uzoq muddatli shartnoma imzolaydi. Yaqin vaqt ichida futbolchi tibbiy ko‘rikdan o‘tadi.

Qayd etish joiz, Teylor Xarvud-Bellis «Manchester Siti» akademiyasi tarbiyalanuvchisi hisoblanadi.

O‘tgan mavsumda himoyachi 48 ta uchrashuvda maydonga tushib, 7 ta gol urdi va 3 ta golli uzatmani amalga oshirdi.