«Komo» himoyachisi Ignas van der Brempt faoliyatini Italiyaning boshqa bir klubida davom ettiradi. 24 yoshli belgiyalik futbolchi «Sassuolo» safiga qo‘shildi. Bu haqda klub matbuot xizmati rasman xabar berdi.

Van der Brempt yangi jamoasi safida joriy mavsum yakuniga qadar ijara asosida to‘p tepadi. Tomonlar o‘rtasidagi kelishuvda muayyan shartlar bajarilgan taqdirda futbolchini sotib olish huquqi ham ko‘zda tutilgan.

O‘tgan mavsum Italiya chempionatida markaziy himoyachi «Komo» safida 20 ta uchrashuvda maydonga tushdi. Belgiyalik futbolchi 1 ta golli uzatmani amalga oshirdi va 2 ta sariq kartochka oldi.

Ayni paytda «Sassuolo» A Seriya turnir jadvalida 13-o‘rinni egallab turibdi.