Turinning «Yuventus» klubi «Nyukasl» hujumchisi Nik Voltemadeni ijaraga olish bo‘yicha muzokaralarni davom ettirmoqda. Bu haqda taniqli insayder Fabrisio Romano xabar berdi.

Manba ma’lumotiga ko‘ra, futbolchining o‘zi ham «Yuventus»ga o‘tishdan manfaatdor. Biroq Italiya grandi shu bilan birga «Manchester Yunayted» hujumchisi Joshua Zirkzeeni ham o‘z safiga qo‘shib olish variantini ko‘rib chiqmoqda.

Yangi mavsumda Voltemade 2 ta uchrashuvda maydonga tushib, 1 ta golli uzatmani amalga oshirdi. Zirkzee esa hozircha rasmiy o‘yinlarda maydonga tushgani yo‘q.

Italiya chempionatining dastlabki ikki turidan so‘ng «Yuventus» 6 ochko jamg‘argan holda turnir jadvalida 3-o‘rinni egallab turibdi.