Туриннинг «Ювентус» клуби «Ньюкасл» ҳужумчиси Ник Вольтемадени ижарага олиш бўйича музокараларни давом эттирмоқда. Бу ҳақда таниқли инсайдер Фабрицио Романо хабар берди.

Манба маълумотига кўра, футболчининг ўзи ҳам «Ювентус»га ўтишдан манфаатдор. Бироқ Италия гранди шу билан бирга «Манчестер Юнайтед» ҳужумчиси Жошуа Зиркзеени ҳам ўз сафига қўшиб олиш вариантини кўриб чиқмоқда.

Янги мавсумда Вольтемаде 2 та учрашувда майдонга тушиб, 1 та голли узатмани амалга оширди. Зиркзее эса ҳозирча расмий ўйинларда майдонга тушгани йўқ.

Италия чемпионатининг дастлабки икки туридан сўнг «Ювентус» 6 очко жамғарган ҳолда турнир жадвалида 3-ўринни эгаллаб турибди.