«Manchester Yunayted» bosh murabbiyi Maykl Karrik «Ipsvich» futbolchisi Jeykob Grivzning avtogoli bilan bog‘liq bahsli epizodga izoh berdi.

«Ipsvich» darvozasiga urilgan ikkinchi gol oldidan «qizil iblislar» himoyachisi Xarri Maguayr to‘pga qo‘li bilan tegib ketdi. Biroq to‘pga so‘nggi bo‘lib «Ipsvich» futbolchisi tekkani uchun gol hisobga olindi.

«Bu yerda masalaning ikki tomoni bor. Qoidalar nuqtai nazaridan epizodda qoidabuzarlik yo‘q edi. Ammo raqibning xafaligini tushunaman. Bunday holatlar ba’zan sodir bo‘ladi», — dedi Karrik NBC Sports nashriga.

Angliya Premyer-ligasi 2-turidan o‘rin olgan «Manchester Yunayted» — «Ipsvich» uchrashuvi mezbonlarning 5:2 hisobidagi yirik g‘alabasi bilan yakunlandi. Brunu Fernandesh ushbu bahsda xet-trik qayd etdi.